Бүгін, 11:12
Сәрсенбі күні апелляциялық сот Оңтүстік Кореяның бұрынғы президенті Юн Сок Ёль ісі бойынша үкімді қайта қарап, оның жаза мерзімін бес жылдан жеті жылға дейін ұлғайтты. Бұл туралы Yonhap агенттігі хабарлады.
Бұған дейін, 2026 жылдың қаңтарында бірінші сатыдағы сот экс-президентті 2024 жылдың желтоқсанында қысқа мерзімге әскери жағдай енгізуіне байланысты бес жылға бас бостандығынан айырған еді. Ал прокуратура оған 10 жыл жаза сұраған болатын.
Апелляциялық сот шешіміне сәйкес, Юн Сок Ёль өткен жылы тергеушілердің оны ұстауына кедергі келтіргені үшін кінәлі деп танылып, жаза мерзімі қатаңдатылды.
Айта кетейік, ол 2025 жылдың шілдесінен бері қамауда отыр. Сол уақытта экс-президент 2024 жылғы желтоқсандағы сәтсіз әскери жағдай енгізу әрекетіне байланысты қайта тұтқындалған. Қазіргі таңда оған қатысты сегіз бірдей іс қозғалған.
Сонымен қатар, негізгі іс бойынша 2026 жылдың ақпан айында сот оны әскери жағдай жариялау арқылы бүлік ұйымдастырды деп танып, өмір бойына бас бостандығынан айыру туралы үкім шығарған.
