2 қыркүйек, 2025
Президент Қасым-Жомарт Тоқаев ШЫҰ-ға мүше мемлекеттер басшылары кеңесінің отырысында сөз сөйледі. Қасым-Жомарт Тоқаев Шанхай ынтымақтастық ұйымын әлемдік қауымдастық тиімді, ықпалды әрі қажетті халықаралық құрылым ретінде танитынын атап өтті.
Қазақстан Президенті ШЫҰ-ны дамытудың басым бағыттары жөніндегі көзқарасын жеткізді. Ең бірінші басымдық – Ұйым аясындағы стратегиялық серіктестік пен өзара қолдауды нығайту. Мемлекет басшысы экология саласындағы ықпалдастықты маңызды міндет деп атады.
Қабылданған негізгі құжаттар:
- Тяньцзинь декларациясы және ШЫҰ-ның 2035 жылға дейінгі даму стратегиясы.
- 2026–2030 жылдарға экстремизмге қарсы іс-қимыл бағдарламасы.
- 2030 жылға дейінгі энергетикалық ынтымақтастық жол картасы.
- Лаосқа ШЫҰ-ның диалог бойынша серіктесі мәртебесін беру.
- ШЫҰ-ға ТМД жанындағы бақылаушы мәртебесін беру.
- Қырғызстанның Чолпон-Ата қаласын 2025–2026 жылдары ШЫҰ-ның туристік және мәдени астанасы деп жариялау.
- ШЫҰ Антинаркотикалық орталығы мен Қауіпсіздік қатерлеріне қарсы әмбебап орталық құру жөніндегі келісімдер.
- Цифрлық экономика, жасыл өнеркәсіп, энергетика, жасанды интеллект, көпжақты сауда жүйесін қолдау, ғылым мен инновацияны дамыту жөніндегі бірқатар бірлескен мәлімдемелер.
- ШЫҰ мен Қытай үкіметі арасындағы хаттамаға толықтырулар және “Росконгресс” қорымен ынтымақтастық туралы меморандум.
- Ұйым қызметі туралы жылдық есептер.
- Екінші дүниежүзілік соғыстың аяқталуы мен БҰҰ құрылғанына 80 жыл толуына арналған мәлімдеме.
