НҰР-СҰЛТАН, 29 қаңтар – Sputnik. Шығыс Қазақстан облысындағы аудандардың бірінде үйлерді шатырына дейін қар басып қалды.
29 қаңтарға қараған түні жауған қар мен боран жағдайды одан сайын ушықтырды, деп жазды Yk-news.kz.
Кеше күндіз Шемонаиха ауданы орталығының тұрғыны жергілікті халықтың қар мен боранның салдарынан қандай жағдайда қалғаны туралы видео жариялады."Міне, осылай өмір сүріп жатырмыз: үйді жауып қалды, не шатыр, не жол көрінбейді", - деген автор енді көшеге қалай шығарын білмей тұрғанын айтады.
Әйел сонымен қатар қатты желдің басылатын түрі байқалмайтынын атап өткен.
28 қаңтар күні кешке қарай ауа-райының нашарлауына байланысты Өскемен – Шемонаиха – Ресей шекарасы трассасы мен аймақтағы тағы бірнеше жол жабылды.
Оқи отырыңыз: Қостанайда екі жұмысшы омбы қардың арасынан табылды – видео
29 қаңтарда түстен кейін мұнда тағы қар жауады деп болжануда. Желдің жылдамдығы секундына 4-9 метрге жетеді.