25 тамыз, 2025
Өткен жылдың желтоқсанында Рахмонов төрешілер шешімімен Иен Гэрриді жеңгеннен кейін октагонға шыққан жоқ. Жақында ол салмақ дәрежесіне қарамастан UFC-тің жалпы рейтингінде үздік 15 спортшының қатарына енді.
«Шавкат қазір белсенді түрде дайындалып жүр. Денсаулығы жақсы, толыққанды жаттығуға қабілетті. Дегенмен, жыл соңына дейін жекпе-жекке шығуы екіталай», – деді Базров.
Бұған дейін америкалық Шон Брэди қазақстандық файтерді жекпе-жекке шақырғаны туралы ақпарат тараған еді. Кездесу 22 қарашада Дохада (Катар) өтуі мүмкін. Бұл айқаста жартылай орта салмақтағы UFC титулына басты үміткер анықталады.
