22 мамыр, 2025
Сенатор Андрей Лукин Қазақстан әлі күнге дейін Байқоңырды тек жалға берумен шектеліп, ғарыш саласында белсенді рөл атқара алмай отырғанына алаңдаушылық білдірді, деп хабарлайды kznews.kz сайты "Орда" порталына сілтеп.
Депутаттық сауалында ол ғарыш кешеніне мемлекеттік сатып алуларда жеңілдіктер беру қажеттігін айтты.
– Негізгі бағыт ретінде университеттер мен стартаптардың қатысуымен шағын спутниктерді әзірлеуді айтуға болады. Сонымен қатар спутниктерді басқару орталығын кеңейтіп, Қазақстанды ғарыштық қызметтерді – өндіру, ұшыру және технологиялық сүйемелдеу – экспорттайтын ел ретінде ілгерілету маңызды, – деді Лукин.
Сенатор ұсынған өзге де бастамалар қатарында:
- спутниктік деректерді ауыл шаруашылығында, құрылыста, экологияны қорғауда және ТЖ жоюда пайдалану;
- инженерлік-ғарыштық факультеттер ашу, тағылымдамаларды қолдау және ғылыми базаны дамыту;
- спутниктік бағдарламаны жаңғыртып, ғарышқа аса жеңіл зымыран ұшыру;
- Байқоңырда арнайы экономикалық аймақ құру бар.
