4 қаңтар, 2019
Семейдегі тұрғын үйлердің бірінде 38 жастағы әйел бесінші қабаттан құлап қайтыс болды деп хабарлайды 31 арна.
Оқиға орнына жедел жәрдем қызметкерлері жылдам жеткенімен, азаматшаны құтқарып қалу мүмкін болмаған.
Әйел құларының алдында бірнеше секунд балконның жақтауында ілініп тұрған.
Сыртта жүргендер осы сәтті ұялы телефондарына түсіріп алған.
Көршілері жақында ғана көшіп келіпті.
Олардың айтуынша, әйел қайтыс болардың алдында күйеуі үйінде болған. Көршілері көмекке барғанда есіктері іштен кілттеніп тұрған.
"Әлгі еркек ар жағынан кілтпен есікті ашты. Менің балам әйел құлады ма деп сұрағанда, ол "иә" деп жауап берді", - деді көршісі.Дереккөз: 31 арна
