Бүгін, 13:50
Күдікке ілінгендер ақша үшін орманның ағашы құнды учаскелеріне кедергісіз кіруге жағдай жасаған деп болжанып отыр.
Ұлттық қауіпсіздік комитеті Бас прокуратурамен бірлесіп, «Семей орманы» мемлекеттік орман табиғи резерватындағы заңсыз әрекетті анықтады, деп хабарлайды kznews.kz.
Тергеу мәліметінше, резерваттың кейбір лауазымды тұлғалары ағаштарды заңсыз жаппай кесіп, кейін сатуға мүмкіндік беретін схема ұйымдастырған деген күдікке ілінген.
Күдікке ілінгендер ақша үшін орманның ағашы құнды учаскелеріне кедергісіз кіруге жағдай жасаған деп болжанып отыр.
Тінту кезінде тергеушілер бухгалтерлік құжаттарды, ағаш кесуге қатысты орман учаскелерінің жазбаларын және ақша бөлінісі туралы қолмен жазылған құжаттарды тапқан. Сонымен қатар басқа да заттай дәлелдемелер алынған.
Бұл факті бойынша ҚР Қылмыстық кодексінің 366-бабының 3-бөлігімен қылмыстық іс тергеліп жатыр.
ҰҚК мәліметінше, тергеу жалғасып жатқандықтан, Қылмыстық-процестік кодекстің 201-бабына сәйкес істің басқа мән-жайлары жарияланбайды.
