10 сәуір, 2026
Полиция Алматы облысы Райымбек ауданының Тегістік ауылында 16 жасқа толмаған оқушының жыныстық қатынасқа түсу фактісі бойынша қылмыстық іс қозғады. Бұл туралы Алматы облысының прокуратурасы хабарлады, деп жазады kznews.kz.
Бұған дейін әлеуметтік желілер мен БАҚ-та Алматы облысында сегіз жігіттің екі ай бойы 15 жастағы оқушы қызды зорлағаны туралы ақпарат тараған еді.
— Облыс прокуратурасының бастамасымен қылмыстық істі толық, жан-жақты және объективті тергеуді қамтамасыз ету мақсатында іс Қонаев қаласының полиция басқармасына тергеуге берілді. Арнайы тергеу-жедел тобы құрылды, — деп хабарлады ведомство.
Жедел-іздестіру іс-шаралары барысында күдіктілер анықталып, олардың екеуі ұсталып, уақытша ұстау изоляторына қамалды.
Енді қалған күдіктілер бойынша тергеу әрекеттері жүргізіліп жатыр.
— Тергеу барысы облыс прокурорының ерекше бақылауында, — делінген хабарламада.
