Оған борттағы жүйелердің бірінде ескерту индикаторының іске қосылуы себеп болған, деп хабарлайды kznews.kz.
Әуе компаниясының мәліметінше, ұшу барысында борттық жүйелердің бірінде ескерту белгісі пайда болған. Осыдан кейін экипаж қауіпсіздік мақсатында ұшақты Астанадағы базалық әуежайға қондыру туралы шешім қабылдаған.
SCAT өкілдері ұшақтың штаттық режимде, ешқандай оқыс оқиғасыз қонғанын мәлімдеді.
Алайда жолаушылардың бірі әлеуметтік желіде әуе компаниясының қызмет көрсету сапасына шағымданған. Оның айтуынша, Астанаға қонғаннан кейін жолаушыларға ұзақ уақыт бойы нақты ақпарат берілмеген. Сондай-ақ адамдарға уақытылы су мен тамақ ұсынылмаған.
Жолаушының сөзінше, салқын сусындар тек адамдар наразылық білдіргеннен кейін ғана таратылған.
Ал SCAT әуе компаниясы жолаушыларды Алматыға жеткізу үшін резервтік ұшақ бөлінгенін хабарлады. Компания өкілдерінің мәлімдеуінше, күту кезінде жолаушылар салқын сусындармен қамтамасыз етілген.
Осылайша, әуе компаниясы мен жолаушының күту кезіндегі қызмет көрсетуге қатысты мәлімдемелері бір-бірінен алшақ болып отыр.
Ұшақтағы ескерту индикаторының нақты қандай себеппен іске қосылғаны әзірге нақтыланбады.