10 қаңтар, 2026
Қазақстан ерлер бокс құрамасының бас бапкері Қайрат Сәтжанов қызметінен кеткені белгілі болды, деп хабарлайды kznews.kz.
Тәжірибелі маман ұлттық құраманы Париждегі сәтсіз өнер көрсетуден кейін қайта тізгіндеген болатын. Алайда денсаулығына байланысты ол бұл қызметті жалғастыра алмады.
Ресми мәліметте Қайрат Сәтжановтың жетекшілігімен Қазақстан ерлер құрамасының көптеген халықаралық жарыстарда жоғары нәтиже көрсетіп, әлем чемпионаттарының жүлдегері атанғаны атап өтілген. 35 жылдан астам еңбек өтілі бар жаттықтырушының отандық боксқа сіңірген еңбегі ерекше бағаланып, оған бокс қауымдастығы атынан алғыс айтылды.
Айта кетейік, Сәтжанов бұған дейін де денсаулығына байланысты бас бапкерлік қызметтен кеткен. Ол 2021–2023 жылдары да ұлттық құраманы басқарған.
Өткен жылы оның жетекшілігімен Қазақстан құрамасы Ливерпульде өткен әлем чемпионатында төрт алтын медаль жеңіп алып, тарихи нәтижеге қол жеткізген еді.
