19 наурыз, 2019
Самал Соқпақбаева 1950 жылы 14 наурызда Алматы қаласында дүниеге келген.
1974 жылы ҚазМУ-дің химия факультетін бітірген. Қазақ КСР Ғылым академиясының Металлургия және кен байыту институтында істеген. 1984 жылдан бастап әдебиет пен журналистика саласында еңбек ете бастайды, «Жалын» баспасында аға редактор, «Казахфильм» киностудиясы «Мирас» бірлестігінің басқарма мүшесі, «Заң және уақыт» журналы бас редакторының орынбасары, Қазақ мемлекеттік заң академиясының Баспа орталығының директоры, Бас редакторы боп істеген.
Ш.Айтматов пен М.Шахановтың пьесалары мен шығармаларын, сондай-ақ Б.Соқпақбаев, С.Бақбергенов, М.Сқақбаев, С.Адамбеков, С.Омаров, Б.Нұржекеев, М.Гумеров, К.Сегізбаев, т.б. көптеген қазақ жазушыларының шығармаларын орыс тіліне аударған
