14 қазан, 2025
Бұған дейін мешіттің азаншысы имамды "түк бітірмейді" деп сынға алып, садақа жәшігіндегі қаражаттың 30 пайызын мүфтиятқа аударғаны үшін шағым түсірген болатын. Осыдан кейін Марат Асанов өз еркімен қызметінен кеткені хабарланған.
Имамның қызметтен кетуіне ауыл тұрғындары наразылық білдіріп, Қазақстан мұсылмандары діни басқармасына "Марат Асановты қайта тағайындау" туралы өтініш жолдаған. Алайда бұл талап орындалмаған соң, жұрт имамды ат мінгізіп, құрметпен шығарып салды.
Марат Асанов ауылдастарының құрметіне алғысын білдіріп, сыйға алған атымен жүрген видеосын әлеуметтік желідегі парақшасында жариялады.
