«Дядя Ваня» Telegram-арнасының мәліметінше, испандық клуб Мадридтен түстен кейін жолға шығады. Ұшақ Адольфо Суарес атындағы Барахас халықаралық әуежайынан сағат 13:30-да (Қазақстан уақытымен 16:30) ұшады. Шамамен 8 сағат 20 минут әуеде болып, Алматыға 00:50-де қонбақ.
Бұл кездесуді қазақстандық жанкүйерлер ерекше күтуде. Себебі әлемдік футболдың алыптарының бірі саналатын «Реалдың» елге келуі – тарихи сәт. Алматы әуежайында футболшыларды қарсы алуға жүздеген жанкүйер жиналатыны күтіліп отыр.
Әлеуметтік желілерде де қызу талқылау жүріп жатыр. Біреулері «Қайрат» үшін бұл — үлкен тәжірибе мектебі»десе, екіншілері «Мадридті жеңу мүмкін болмаса да, намысты қолдан бермеу керек» деп жазуда. Ал кей жанкүйерлер «Қайрат» күтпеген сенсация жасай алады деген пікірде.
