Белгілі заңгер Мейірман Шекеев әлеуметтік желідегі парақшасында Нұрқанат Ғайыпбаевты еске алып, жүрекжарды жазба жариялады, деп хабарлайды kznews.kz.
Шекеевтің айтуынша, Нұрқанаттың дүниеден өткеніне тура бір жыл болғанымен, оның орны мен сағынышы уақыт өткен сайын жоғалмайды.
"Нұрғанаттың қаза болғанына тура 1 жыл болыпты. Уақыт өтсе де, сағыныш азаймайды, жүректегі орны ешқашан толмайды. Жанымызда емес болса да, жүрегімізде мәңгі тірі. Оның бауыры үшін күресі, күлкісі, мінезі, айтқан әрбір сөзі біз үшін қымбат естелік болып қана қалды. Алла тағала Нұрқанат пен Шерзатты нұрымен жарылқап, рақымына бөлесін. Жандары жаннатта, топырағы торқа болсын. Қаржаубайдың отбасында бұдан былай тек қуаныш болсын деп дұға етіп қайттық", – деді Мейірман Шекеев.
