10 желтоқсан, 2025
Қытайдан Қарасаз ауылына қоныс аударған Бейбіт есімді оқушы әлеуметтік желіде ерекше назарға ие болды. Мектепке келген жаңа оқушымен танысу сәтінің видеосын ауыл партиясының Instagram парақшасы жариялаған, деп хабарлайды kznews.kz.
Бейбіттің бір арманы бар – болашақта полиция қызметкері болу. Желі қолданушылары баланың анық сөйлегеніне, Отанға деген сүйіспеншілігіне риза болып, ақ жол тілеп жатыр.
Пікірлерде: "Қош келдің, қазақтың баласы!", "Айналайын, тарихи Отаныңа оралғаның құтты болсын", "Үлкен азамат бол!" – деген сынды жүрекжарды тілектер көптеп жазылған.
Бейбітке жұртшылық тек табыс пен ашық жол тілеуде.
