Бүгін, 16:01
Қытайлық ғалымдар балалардағы аутизмді ерте кезеңде анықтайтын адамтектес робот әзірледі, деп хабарлайды kznews.kz Madeniportal.kz сайтына сілтеме жасап.
Тексеру кезінде баланың ми сигналдары инвазивті емес құрылғы арқылы тіркеліп, роботтың қимылына айналады.
Жүйе баланың зейіні мен қимылды елестету қабілетін талдайды. Бұл баланың жағдайы туралы нақты дерек алуға мүмкіндік береді. Мамандардың айтуынша, роботпен жұмыс істеу балалардың терапияға қызығушылығын арттырады.
Құрылғы қазірдің өзінде ауруханалар мен оңалту орталықтарында қолданылып жатыр. Алдағы уақытта оны инсульт пен қозғалыс бұзылыстарынан кейінгі оңалтуда пайдалану жоспарланған.
