Бүгін, 17:49
Қырғызстан Жогорку Кеңештің депутаты Умбеталы Кадыралиевпарламентте Қырғызстан аумағында қалыптасатын су ресурстарын пайдалану мәселесін көтерді, деп хабарлайды kznews.kz Alash.kz сайтына сілтеме жасап.
Оның айтуынша, Өзбекстан мен Қазақстанқырғыз өзендерінен едәуір көлемде су алады, алайда оны пайдаланғаны үшін ақы төлемейді.
Кадыралиев су қоймаларын, гидротораптар мен инфрақұрылымды күтіп-ұстау айтарлықтай қаржылық шығынды талап ететінін, бұл шығындарды Қырғызстан өз мойнына алып отырғанын атап өтті. Осыған байланысты депутат билікті мемлекетаралық келісімдерді қайта қарап, су мәселесінде әділ шарттарға қол жеткізуге шақырды.
Орталық Азиядағы су ресурстарын бөлу мәселесі әлі де өзекті тақырып болып қалып отыр және ол тұрақты түрде саяси әрі қоғамдық пікірталастардың нысанына айналуда.
