Жәнібек Әлімханұлынан жеңіліп қалған британдық боксшы Дензел Бентли қазақстандық спортшыға қатысты тараған допинг дауына байланысты орын алған жағдайды өрескел түрде талқылады, деп хабарлайды kznews.kz.
Допингке қатысты ақпарат жарияланған сәттен кейін-ақ Бентли X әлеуметтік желісінде бұл мәселеге белсене араласып, түрлі пікірлер білдіре бастады. Ол тек басқа қолданушылардың сыни жазбаларын бөлісіп қана қоймай, өзі де өткір әрі дөрекі пікірлер қалдырған.
Соның бірі – Әлімханұлын балаларды қорқытатын «бугименге» теңеуі.
«Құрып кеткір, мына жалған бугимен допинг сынағынан өте алмай қалыпты», – деп жазды ол.
Тағы бір жазбасында британдық спортшы қазақстандық боксшыны кемсіте отырып, «қаңғыбас» сөзін қолданған. Оның бұл мәлімдемелері желі қолданушылары арасында қызу талқыланып, көптеген пікірталас тудырды.
