11 желтоқсан, 2025
«Қазақстан темір жолы» ұлттық компаниясының төрағасы Талғат Алдыбергенов баспасөз мәслихатында қазақ тіліндегі сұраққа жауап бере алмай, ыңғайсыз жағдайға қалды, деп хабарлайды kznews.kz.
Компанияның қарызына қатысты сұрақ қойылғанда ол біраз кібіртіктеп, ауыр күрсінді. Сәлден соң сұраққа өзі емес, орынбасары жауап беретінін мәлімдеді.
Брифинг барысында мұндай жағдай бірнеше рет қайталанған. Қазақ тілінде сұрақ қойған журналистердің кейбірі компания басшысының жауабын түсінбей қалдық деп айтты.
Ал видеоны көрген әлеуметтік желі қолданушыларының бір бөлігі мәселені Алдыбергеновтің толқуымен түсіндірсе, басқалары оның орыс тіліндегі сауалдарға еш қиналмай, толық жауап бергенін алға тартты.
