2018 жылғы 11 желтоқсан 18:45 39
ҚОСТАНАЙ. ҚазАқпарат - Бүгін Қостанай ауданындағы «Сильвер» демалыс орнынан өрт шықты, деп хабарлайды ҚазАқпарат.
Ақпаратты облыстық ТЖД таратты. Сағат 16:30 шамасында ведомствоның өртке қарсы қызмет бөліміне Қостанай ауданы Мичурин ауылындағы «Сильвер» демалыс орнындағы мейрамхана шатырының өртенгені туралы хабар келіп түскен.
«Оқиға орнына жеке құрамның 32 өрт сөндірушісі мен 8 өрт сөндіру техникасы жұмылдырылды. Басқа ақпараттар кейінірек белгілі болады», - делінген ТЖД баспасөз хабарламасында.