Бүгін, 22:55
Әлеуметтік желіде тараған Love Айка мен португалиялық футболшы Луиш Нанидің Алматыдағы қонақүйде бірге болғаны туралы ақпарат шындыққа жанаспайды. Бұл туралы блогер Айғаным Мырзахметова айтты, деп хабарлайды kznews.kz.
Басылым мәліметінше, желіде Айғаным Мырзахметова, көпшілікке Love Айка есімімен танымал блогер, португалиялық футболшы Луиш Нанимен кездескені туралы ақпарат тараған.
Алайда блогер бұл мәліметті үзілді-кесілді жоққа шығарды.
– Мен ешқандай футболшыны танымаймын, – деді Айғаным Мырзахметова.
Сондай-ақ ол жеке өміріне қатысты да пікір білдірді.
– Мен ешкіммен қарым-қатынаста емеспін. Қазір қарым-қатынасқа уақыт та жоқ, – деді блогер.
Айта кетейік, бұған дейін әлеуметтік желілерде Love Айка мен шетелдік футболшының Алматыдағы қонақүйлердің бірінде бірге жүргені туралы ақпарат тараған болатын.
