Ол оқиға орнында қауіпсіздік шаралары мүлде сақталмағанын айтты. Жағажайда құтқарушылар да, бейнебақылау камералары да, құтқару құралдары мен медициналық қызметкер де болмаған. Су қоймасы аумағы жеке кәсіпкерлердің қарамағына берілгенімен, олар тек шлагбаум орнатып, келушілерден ақы жинаумен ғана шектелуде.
Суға батқан қызды куәгерлер жағаға шығарып, алғашқы көмек көрсетуге тырысқанымен, нәтиже болмаған. Жедел жеткен медицина қызметкерлері мен полиция өкілдері бұл жағдайға араласа алмайтындарын, себебі судағы қауіпсіздік мәселесі басқа уәкілетті органдардың құзырында екенін айтқан.
Депутат Бақытжан Базарбек жағажайлардың меншік иелерін анықтап, заңбұзушылықтарға жол бергендерді жауапкершілікке тарту мақсатында тиісті тексеріс жүргізуді талап ететінін жеткізді.
