Бүгін, 12:15
Қазақстан мұғалімдердің жалақысына қанағаттану деңгейі бойынша әлемдегі үздік бестікке енді, деп хабарлайды kznews.kz.
ҚР Оқу-ағарту министрлігінің алқа отырысында TALIS-2024 халықаралық зерттеуінің нәтижелері таныстырылды. Зерттеу қорытындысы бойынша Қазақстан педагогтердің жалақысына қанағаттану деңгейі жағынан әлемнің үздік 5 елі қатарына кірді.
2018 жылы мұғалімдердің небәрі 39%-ы жалақысына көңілі толатынын айтса, 2024 жылы бұл көрсеткіш 71%-ға дейін өскен. Сонымен қатар, педагогтердің 95%-ы өз мамандығына және атқарып жүрген жұмысына қанағаттанатынын мәлімдеген.
Қабылданған шаралар – «Педагог мәртебесі туралы» заң, оқу жүктемесін қысқарту, еңбек демалысын ұзарту және жалақыны арттыру – әкімшілік қысымды азайтып, ұстаз мамандығының беделін көтеруге ықпал етті.
Сондай-ақ, магистр дәрежесі бар мұғалімдердің үлесі соңғы жылдары үш есеге артты.
