18 қыркүйек, 2025
«Қазақстан темір жолы» компаниясындағы брифинг барысында Ахметжановтың айтуынша, алғашқы сынақ Burabay Express пойызында өтті және жақсы нәтиже көрсеткен.
«Starlink жақында ғана нарыққа шықты, біз оны іске қостық. Енді тағы екі стандартты пойызға орнатуды жоспарлап отырмыз. Жыл соңына дейін, шамамен қазан айында Ақтөбе – Алматы және Қызылорда – Семей бағыттарында жүйені пилоттық режимде сынаймыз. Байланыс сапасы жаман емес, бірақ еліміздің аумағы үлкен болғандықтан, басқа өңірлерде қалай жұмыс істейтінін тексеруіміз қажет. Технологиялық тұрғыдан Talgo пойыздарын интернетпен қамту оңайырақ, сондықтан экономикалық тұрғыдан тиімді болса, қолдағы 25 Talgo құрамына да орнату жоспарда бар», – деді ол.
Ал стандартты пойыздарда бұл қызметтің тиімділігін алдымен пилоттық режимде байқап көру көзделген. Жоба сәтті жүзеге асса, оны кеңейту жоспары бар.
