3 қыркүйек, 2026
Мұрат Мұханов Қазақстанның Төтенше жағдайлар министрі болып тағайындалды. Тиісті жарлыққа Мемлекет басшысы Қасым-Жомарт Тоқаев қол қойды, деп хабарлайды kznews.kz.
Мұрат Мұхановтың кандидатурасын Құрылтайдың бейінді комитеті келісті.
Жаңа министр 1985 жылы Маңғыстау облысында дүниеге келген. Көкшетау техникалық институтын және Санкт-Петербург мемлекеттік өртке қарсы қызмет университетін тәмамдаған.
Еңбек жолын 2006 жылы Маңғыстау облысының төтенше жағдайлар саласындағы мемлекеттік бақылау және қадағалау басқармасында нормативтік-техникалық бөлімнің бас маманы ретінде бастаған.
2006–2023 жылдары Маңғыстау облысының Төтенше жағдайлар департаментінде түрлі қызметтер атқарды. 2023–2024 жылдары ТЖМ Өртке қарсы қызмет комитеті төрағасының орынбасары міндетін уақытша атқарды.
2024 жылғы сәуірден бастап Маңғыстау облысы ТЖД бастығы болды. Ал 2026 жылғы маусымнан бері Төтенше жағдайлар министрлігінің аппарат басшысы қызметін атқарған.
Мұрат Мұханов Төтенше жағдайлар министрі қызметінде 2024 жылғы ақпаннан бері ведомствоны басқарған Шыңғыс Әріновті алмастырды.
