Бүгін, 15:02
Қазақстанда мобильді құрылғыларды тіркеу тәртібін күшейту ұсынылды. Жаңа талап бойынша смартфонды тіркеу немесе қайта тіркеу кезінде, сондай-ақ телефон нөмірі мен құрылғыны алғаш рет рәсімдегенде азаматтар биометриялық тексеруден өтуге тиіс, деп хабарлайды kznews.kz.
Бұл жүйе телефонның елге әкелінген немесе өндірілген сәтінен бастап жөнделуі, қайта сатылуы және бұғатталуына дейінгі толық тарихын бақылауға мүмкіндік береді.
Егер құрылғының сәйкестендіру коды өзгертілгені немесе қайталанғаны, телефонның клондалғаны анықталса, сондай-ақ ол халықаралық «қара тізімге» енсе, Қазақстанның байланыс желілерінде қолданылуы шектелуі мүмкін.
Әзірге бұл талаптар түпкілікті қабылданған жоқ. Тиісті құжат «Ашық НҚА» порталында жарияланып, 14 қыркүйекке дейін қоғамдық талқылауға ұсынылды.
