Бүгін, 11:05
2026 жылдың басынан бастап Қазақстанда балалы отбасыларға арналған мемлекеттік жәрдемақылар 10%-ға артты, деп хабарлайды kznews.kz digitalbusiness.kz-ке сілтеме жасап.
Еңбек және халықты әлеуметтік қорғау министрлігінің мәлметінше, өсім мемлекеттiң әлеуметтік міндеттемелерін индексациялауға байланысты жүзеге асырылды. Жәрдемақы мөлшері бұрынғыдай АЕК (айлық есептік көрсеткіш) бойынша есептеледі. АЕК көлемінің ұлғаюына байланысты төлемдердің нақты сомасы да артты.
2026 жылғы АЕК мөлшері
1 АЕК – 4 325 теңге
(2025 жылы – 3 932 теңге)
Кімдерге төлемдер артты?
Индексация келесі санаттарға қатысты:
төрт және одан да көп баласы бар отбасылар;
«Күміс алқа» және «Алтын алқа» алқаларымен марапатталған көпбалалы аналар;
«Батыр ана» атағын алған әйелдер;
«Ана даңқы» I және II дәрежелі ордендерімен марапатталған аналар.
Жәрдемақы мөлшері отбасындағы балалар санына байланысты белгіленеді.
2026 жылы төленетін жәрдемақы мөлшері
Төрт баласы бар отбасылар
16,03 АЕК
69 330 теңге
өсімі: +6 300 теңге
Бес баласы бар отбасылар
20,04 АЕК
86 673 теңге
өсімі: +7 876 теңге
Алты баласы бар отбасылар
24,05 АЕК
104 016 теңге
өсімі: +9 451 теңге
Жеті баласы бар отбасылар
28,06 АЕК
121 359 теңге
өсімі: +11 027 теңге
Сегіз және одан да көп балаға
әр балаға 4 АЕК
17 300 теңге
өсімі: +1 572 теңге
Көпбалалы аналарға төлемдер
«Күміс алқа»
6,4 АЕК
27 680 теңге
өсімі: +2 515 теңге
«Алтын алқа», «Батыр ана», «Ана даңқы» ордендері
7,4 АЕК
32 005 теңге
өсімі: +2 908 теңге
Индексация үшін өтініш беру керек пе?
Жоқ. Төлемдер автоматты түрде қайта есептеледі. Егер отбасы немесе ана тиісті жәрдемақыны алып жүрсе, қосымша мемлекеттік органдарға жүгінудің қажеті жоқ, ұлғайтылған сома 2026 жылдың қаңтарынан бастап төленеді.
