28 қараша, 2025
«Қазгидромет» синоптиктері 29, 30 қараша және 1 желтоқсанға арналған ауа райы болжамын ұсынды, деп хабарлайды kznews.kz.
Қазақстанның басым бөлігінде атмосфералық фронттардың өтуіне байланысты құбылмалы ауа райы күтіледі – жаңбыр және қар түрінде жауын-шашын түседі. Республикасының солтүстігінде, шығысында, орталығында төменгі бұрқасын, көктайғақ болады деп болжануда.
«Тек республиканың батысында, оңтүстік-шығысында антициклон жотасының ықпалымен жауын-шашынсыз ауа райы күтіледі», – деді синоптиктер.
Қазақстанның солтүстігінде ауа температурасының аздап көтерілуі күтіледі: түнде 0–8 градус аяз, күндіз 0–5 градус жылы болады. Оңтүстік-шығыста күндізгі температура біртіндеп 3–11 градус жылудан тау бөктері мен таулы аудандарда 0–5 градус аязға дейін төмендейді.
Қалған аумақтарда ауа температурасының маңызды өзгерістері күтілмейді, деп толықтырды мамандар.
