Бүгін, 14:35
Қазақстан футбол федерациясы ұлттық құраманың жаңа бас бапкері қызметіне нидерландтық маман Джон ван’т Схипті ресми түрде тағайындады. Ол футболшы ретінде 1988 жылғы Еуропа чемпионатында Нидерланды құрамасымен бірге жеңімпаз атанып, кейін бапкерлік қызметте де мол тәжірибе жинақтаған маман саналады, деп хабарлайды kznews.kz.
62 жастағы жаттықтырушы әр жылдары Нидерландының әйгілі «Аякс» клубын, Австралияның «Мельбурн Сити» командасын басқарған. Сондай-ақ Грекия мен Армения ұлттық құрамаларының тізгінін ұстап, Нидерланды құрамасының бапкерлер штабында да еңбек еткен.
Айта кетейік, бұған дейін Қазақстан құрамасының бас бапкері қызметін Талғат Байсуфинов атқарған болатын. Ол ұлттық құраманы 2025 жылдың қаңтарынан 2026 жылдың маусымына дейін жаттықтырды. Оның қызметінен кеткеннен кейін федерация жаңа маман іздеуге кіріскен еді.
Джон ван’т Схип жетекшілік ететін Қазақстан құрамасы алғашқы ресми кездесуін 26 қыркүйекте Ұлттар лигасы аясында Фарер аралдарына қарсы өткізеді.
