Бүгін, 12:15
inDrive негізін қалаушы Арсен Томский қазақстандық Камила Лұқпановамен отау құрды, деп хабарлайды kznews.kz.
Кәсіпкер Threads сайтында бақытты жас жұбайлардың суретін жариялады.
"Қазақ еліне +1 күйеу бала. Міне, қазақ халқының күйеу баласы", – деп жазды Томский.
Бұл жазбаға мыңдаған оқырмандар құттықтау жазды. Оның достары да бұл қуанышты оқиға туралы әлеуметтік желілерде жазып жатыр.
"Бүгін Арсен Томский мен Камиланың үйлену тойы. Әлемнің түкпір-түкпірінен достар жас жұбайларды осы маңызды оқиғамен құттықтауға келді!" – деп жазды кәсіпкер және Қазақстан мен Грузиядағы Forbes франшизасының иесі Арманжан Байтасов.
Жұптың үйлену тойына дайындық маусым айында жарияланды. Содан кейін Томский Камила Лұқпанованың туған қаласы Оралда өткен сырға салу және құда түсу рәсімдері туралы айтты.
Камила Лұқпанова бұрын Almaty Tourism Bureau-ны басқарған. Ол қала құрылысына бағытталған өзінің Tana қорын құрды. Әлеуметтік желілеріне қарағанда, ол Лондонда оқып жүр.
2022 жылы Арсен Томский inDrive кеңсесін Ресейден Қазақстанға көшіріп, Қазақстан азаматтығын алды. 2024 жылдың мамыр айында ол 920 миллион долларлық таза байлығымен Қазақстанның ең бай бизнесмендерінің арасында 10-орынға ие болды.
Бұл Томскийдің алғашқы некесі емес. Кәсіпкердің екі қызы бар. Камила Лұқпанованың да бір қызы бар.
