13 желтоқсан, 2018
2018 жылғы 13 желтоқсан 01:19 12
ҚАРАҒАНДЫ. ҚазАқпарат - Қарағанды облысы 2018 жылды жақсы нәтижелермен аяқтап келеді. Әлеуметтік-экономикалық дамудың барлық көрсеткіштері бойынша өсім байқалып отыр, деп хабарлайды өңір басшысының ресми сайты.
Ол жайлы аймақ басшысы Ерлан Қошанов облыстық мәслихаттың ХХ сессиясында мәлімдеді.
- 11 ай аралығында негізгі әлеуметтік-экономикалық көрсеткіштердің динамикасына қол жеткізілді. Өнеркәсіпте 2,3% өсім бар - 2 трлн теңгеден астам сомаға өнім өндірілген. Ауыл шаруашылық өнімдерінің өндірісі 4,2% өсті. 362 мың шаршы метр тұрғын үй қолданысқа берілді. Ол өткен жылдың осы мерзімімен салыстырғанда 1,8%-ға жоғары, - деп атап өтті облыс әкімі.
Негізгі капиталға инвестициялар 110 млрд теңгеге немесе 26,6% ұлғайды. Шағын бизнесте де өсім бар, бұл салада қазіргі таңда 84 мыңнан астам субъектілер қызмет етеді.
- Экономика өсуінің оң динамикасы бізге жыл соңында толық көлемде барлық әлеуметтік міндеттерді орындауға, сондай-ақ даму бюджеті жобаларының қаржыландыруын орындауға мүмкіндік береді, - деді Ерлан Қошанов.
