28 қараша, 2025
Қара бетперде тағып жүретін белгісіз меценат эпилепсиямен ауыратын қызын жалғыз тәрбиелеп отырған әкеге жаңа үй сыйлады, деп хабарлайды kznews.kz.
Еркебұлан – II топтағы мүгедектігі бар жалғызбасты әке. Оның өзі де неврологиялық дертпен ауырады, ал қызы эпилепсиямен күресіп жүр және дамуында кешеуілдеу бар. Ол күнкөріс үшін қызын ертіп алып, курьер болып жұмыс істейді. Әйелі 2022 жылы ми ісінуінен көз жұмған, емдету үшін алған 2 млн теңге несиесі әлі бар.
Әкенің айтуынша, қызының дертін Оңтүстік Корея немесе Үндістанда емдеуге болады, оған шамамен 10 млн теңге қажет.
Жанұя жалдамалы пәтерде тұрып келген. Жұмбақ қайырымды жан Еркебұланға жаңа үйдің кілтін табыстап қана емес, қызының емделуіне және өз кәсібін ашуына қаржылай көмек көрсетті.
