Бүгін, 14:11
Ресейдің Воркута қаласында жедел жәрдем дәрігерлері қансырап жатқан егде жастағы әйелді көтеріп, алып жүруге мәжбүр болған, деп хабарлайды kznews.kz.
Зейнеткер әйелдің қан қысымы күрт көтеріліп, аузынан қан кеткен. Отбасы жедел жәрдем шақырғанымен, келген дәрігерлер үйге көлікпен жете алмаған. Сол себепті олар әйелді қолмен көтеріп, тасуға мәжбүр болған.
Бейнежазбада ер адамдардың әйелді қар басқан жолмен көтеріп бара жатқаны көрінеді, ал жанында медицина қызметкерлері бірге еріп жүрген. Зейнеткердің ұлының айтуынша, науқасты көлікке жеткізуге кеткен уақыттың ұзақтығынан әйелдің жағдайы нашарлап кеткен. Қазіргі уақытта оның жағдайы тұрақты.
Оқиғадан кейін зардап шеккен әйелдің ұлы Воркута қаласының әкімдігіне жүгінген. Әкімдік өкілдері жолды тазалайтынын айтқанымен, әзірге арнайы техника келмегені белгілі болды.
