Бүгін, 11:43
Қостанайда пойыз вагонына шығып селфи жасамақ болған жасөспірімді электр тогы соғып, ауыр жарақат алды, деп хабарлайды kznews.kz.
Оқиға 25 маусым күні Қостанай станциясының Оңтүстік теміржол паркінде болған. Сот мәліметінше, бала вагонның үстіне көтерілген кезде тоққа түсіп, денесінің 60 пайызы үшінші дәрежелі күйік шалған.
Осы оқиғаға байланысты кәмелетке толмағанның қамқоршысы тәрбиелеу және қауіпсіздігін қамтамасыз ету міндетін тиісінше орындамағаны үшін әкімшілік жауапкершілікке тартылды. Сотта ол кінәсін толық мойындаған.
Сот шешімімен қамқоршыға 43 250 теңге көлемінде айыппұл салынды. Үкім әзірге заңды күшіне енген жоқ.
