Павлодарда алғашқы ресми «Дала Қырандары» құрылды, деп хабарлайды KzNews.
Павлодар қаласында жастардың белсенді тобы есірткіге қарсы қозғалыс аясында жаңа қадам жасады. Биыл қыркүйек айында олар синтетикалық есірткіні таратумен күресуге бағытталған республикалық #сатқындар науқанын қолдап, өз өңірінде бастама көтерген болатын.
Жастардың бұл бастамасы нәтижесінде Павлодарда алғашқы ресми «Қырандар» тобы құрылды. Бұл ұйымның мақсаты қоғамда салауатты өмір салтын насихаттау, жастарды құқықбұзушылықтан, соның ішінде есірткіден қорғау және белсенді азаматтық ұстаным қалыптастыру. Жастарды қоғамдық өмірге тарту, өзара көмек көрсету және өзін-өзі дамытуға мүмкіндік беру үшін құрылған ұйым. Енді оның Павлодардағы бөлімшесі де ресми түрде жұмысын бастады.
Ұйым мүшелері алдағы уақытта түрлі акциялар мен ақпараттық шаралар өткізіп, есірткіге қарсы күресті күшейтуді жоспарлап отыр.