14 желтоқсан, 2025
"Криминальное чтиво" мен "Маска" фильмдеріндегі ойнаған рөлдері арқылы көпшілікке танылған америкалық актер Питер Грин Нью-Йорктегі пәтерінен жансыз күйінде табылды, деп хабарлайды kznews.kz.
Бұл ақпаратты New York Daily News басылымы таратты. Актер 60 жасында көз жұмған.
Көршісінің айтуынша, Грин еденде етпетінен жатқан, бетінде жарақаттары болған, ал бөлме ішінде қан іздері байқалған.
Полиция өлімнің екі нұсқасын – жазатайым жағдай немесе қылмыс ретінде қарастырып жатыр. Тергеу барысында пәтерден Нью-Йорктегі ирландиялық қылмыстық топтардың іске қатысы болуы мүмкін екенін меңзейтін айғақтар табылғаны хабарланды.
Сонымен қатар актер соңғы уақытта ми қан тамырындағы емделмеген аневризма салдарынан бас айналуын айтып жүрген. Ал жақын күндері оған өкпедегі қатерсіз ісікті алып тастау операциясы жасалуы тиіс еді.
