12 желтоқсан, 2018
Өзбекстанда 2019 жылдың 1 сәуірінен бастап ұялы телефондардың халықаралық идентификацияланған коды (International Mobile Equipment Identity - IMEI) міндетті түрде тіркеуге алынады. Тіркелмеген құрылғыларды қолдануға тыйым салынады.
Ақпараттық технологиялар министрлігінің өкілі ұялы құрылғыларды тіркеу әзірге тегін, я ақылы жүргізілетні белгісіз екенін айтады.
Өзбекстан үкіметі биыл 22 қазанда ұялы телефондардың IMEI кодын міндетті түрде тіркеуге алу жөнінде қаулы шығарған. Олар елде ұялы телефондар жиі ұрланатынын, құрылғыны тіркелген IMEI код арқылы тез табуға болатынын айтады.
Қазақстанда да азаматтарды ұялы телефондары мен SIM-карта салынатын құрылғыларының IMEI кодын тіркеуге міндеттеп жатыр. 2019 жылдың 1 қаңтарына дейін тіркелмеген ұялы телефон иелеріне байланыс қызметі көрсетілмейді.
