31 қазан, 2025
Түркістан облысы Отырар ауданындағы үш қабатты көппәтерлі үйде газ жарылды, деп хабарлайды Kznews.kz
«QazaqGaz Aimaq» АҚ баспасөз қызметі таратқан ақпаратқа сүйенсек, үйдегі бір пәтердің иесі пәтеріне жасырын жолмен газ тартып алған. Оның құбыры теріс салынғандықтан, газ тараған.
«Жарылыс кезінде бір адам жараланды. Бірнеше пәтерге зақым келген, газды жаптық. Оқиға орнында мамандар жүр», - деп хабарлаған компания.
«Отырар» телеарнасы таратқан мына кадрлардан үш қабатты, оншақты пәтері бар үйдің бір жағы опырылып кеткен.
