Бүгін, 15:48
Танымал продюсер Гүлзира Айдарбекова әлеуметтік желіде өмірден өткен сіңілісі Сәуле Базархан туралы әсерлі жазба жариялады, деп хабарлайды kznews.kz.
Продюсердің айтуынша, жақынынан айырылу жанына қатты батқан.
– Саулешім, аз өмірді бағалау керек екенін меңзеп кеткендей болды маған. Қоршаған ортаңыздағы жақындарыңызды барында бағалаңыздар! Өте жақсы жан еді. Ешуақытта өсек айтпайтын, ешбір адамды жамандамайтын ең мықты қасиеті еді. Бәріміздің мекеніміз – ертелі-кеш кетеміз деп өзімізді жұбатқанмен, өкініш өртей береді екен. Бір жақсы адамыңнан айырылғаның ішіңді өртей береді, – деп жазды Гүлзира Айдарбекова.
Сондай-ақ ол Сәуле Базарханмен бірге әлемнің түрлі елдерін аралаған сәттерін еске алып, бүгінде олардың естелікке айналғанын айтты.
– Қаншама рет Саулемен әлемнің түкпір-түкпіріне жүріп едік. Естелік болып қаларын кім ойлаған. Не деген толассыз хаттар, пабликтің қайсысын ашсаң да Саулешім, – деді продюсер.
