20 қаңтар, 2026
Қызылордада өткен Ұлттық құрылтайдың V отырысында Мемлекет басшысы Қасым-Жомарт Тоқаев Қазақстанда қалыңдық ұрлау фактілеріне қатысты пікір білдірді, деп хабарлайды kznews.kz.
Президенттің айтуынша, қалыңдық ұрлау – бұл адам ұрлау қылмысымен тең.
«Қалыңдық ұрлау – адамды ұрлау. Бұл – ұлтымыздың беделіне нұқсан келтіретін өрескел әрі жабайы қылмыс. Мұндай қатыгездікке ешқандай жағдайда жол беруге болмайды. Жыл өткен сайын қоғамның сана-сезімі өсіп, азаматтық жауапкершілік артып келеді», – деді Мемлекет басшысы.
Сонымен қатар Президент заңнамалық өзгерістер де осы ұстанымдарға сай болуы керектігін атап өтті.
«Заң мен тәртіп – баршаға ортақ. Әрбір азамат заң талаптарын мүлтіксіз орындауға міндетті», – деп түйіндеді Қасым-Жомарт Тоқаев.
