Бүгін, 12:01
Оқу-ағарту министрі Жұлдыз Сүлейменованың үстінен Президент Әкімшілігіне жолданған ұжымдық шағымға қатысты жаңа мәліметтер жарияланды, деп хабарлайды kznews.kz. Бұл туралы Democrat.kz хабарлады.
Басылымның мәліметінше, бұған дейін педагог әрі қоғам белсендісі Гүлнар Мансұрқызы әлеуметтік желіде министрге қатысты шағым жолданғанын мәлімдеген. Алайда сол кезде арыздың мәтіні жарияланбаған еді.
Кейін редакцияға білім саласының аты-жөнін жарияламауды сұраған өкілі хабарласып, Президентке жолданған шағымның көшірмесін ұсынған. Осылайша, арызға кімдердің қол қойғаны және онда көтерілген мәселелер белгілі болған.
Әзірге Оқу-ағарту министрі Жұлдыз Сүлейменова аталған шағымға байланысты ресми мәлімдеме жасаған жоқ.
