Бүгін, 19:17
Қазақстанның Тұңғыш президенті Нұрсұлтан Назарбаев "Хабар" арнасындағы "Штрихи к портрету" деректі фильмінде жиен немересі Айсұлтан Назарбаевтың өліміне қатысты пікір білдірді, деп хабарлайды kznews.kz.
Dalanews.kz мәліметінше, деректі фильмде Назарбаев үш қызынан тараған немерелері бар екенін айтып, 2020 жылы бір немересінен айырылғанын еске алған. Ол Айсұлтанның өзіне қатты ұқсайтынын айтып, оның өмірден ерте кеткеніне өкініш білдірді.
“Өкінішке қарай, биыл бір немеремді жоғалтып алдық. Ол маған өте ұқсайтын еді. Өз уақытынан ерте өмірден өтті”, – деді Назарбаев.
Сондай-ақ ол Айсұлтанның денсаулығы мен өмір салтына байланысты қиындықтары болғанын айтты. Назарбаевтың сөзінше, отбасы оны емдетуге бірнеше рет әрекет жасаған.
“Оны ешқайда жібермесе де болар еді. Бірақ оны ұстап отыру мүмкін болмады. Ол бұл істің құлы болған, тоқтай алмады. Біз оны Мәскеуде емдедік, Лондонда да емдедік. Қайта шығып, қайта оралатын”, – деді Нұрсұлтан Назарбаев.
Айсұлтан Назарбаев 2020 жылы өмірден өткен. Оның қазасы сол кезде қоғамда кеңінен талқыланған еді. Ол Дариға Назарбаева мен Рахат Әлиевтің ұлы болатын.
“Штрихи к портрету” деректі фильмі Нұрсұлтан Назарбаевтың өмірі мен қызметіне арналған көпсериялы жоба ретінде ұсынылған. Фильмде оның жеке өмірі, отбасы, саяси жолы және бұрын көп айтыла бермеген естеліктері қамтылған.
