Бүгін, 14:43
Қазақстанның Тұңғыш Президенті Нұрсұлтан Назарбаев Құрылтай депутаттарын сайлауға қатысып, өз таңдауын жасады, деп хабарлайды kznews.kz.
Назарбаев дауыс беру үшін сайлау учаскесіне бармаған. Бұған оның денсаулығына қатысты жағдай себеп болған.
Тұңғыш Президенттің баспасөз қызметі хабарлағандай, жақында бел омыртқасына ота жасалған. Операциядан кейінгі денсаулық жағдайына байланысты ол дауыс беру құқығын үйінде жүзеге асырған.
Осылайша Нұрсұлтан Назарбаев Қазақстан тарихындағы алғашқы бір палаталы Құрылтай депутаттарын сайлауға қатысып, азаматтық таңдауын жасады.
Айта кетейік, Құрылтай депутаттарының сайлауы бүгін, 23 тамызда Қазақстанның барлық өңірінде өтіп жатыр.
