Ресейлік бұқаралық ақпарат құралдары қазақстандық стендап-комик Нұрлан Сабыровтың Дубайда ерлер денсаулығына арналған медициналық бизнеске қатысуы мүмкін екенін хабарлады, деп жазды kznews.kz.
Ресейлік Telegram-арналарда Сабыров урологиялық қызметтер көрсететін медициналық орталық жобасына қатысы болуы ықтимал деген ақпарат тараған. Онда ерлер денсаулығына бағытталған қызметтер ұсынылатыны айтылған.
Жарияланған деректерге сәйкес, әзілкеш аталған орталықтың қызметімен жеке танысып, Алматыдағы филиалда толық урологиялық тексеруден өткен болуы мүмкін. Сондай-ақ ол Дубайда ашылуы жоспарланған филиалдың өкілі ретінде қарастырылып отырғаны айтылады.
Клиникада урологиялық операциялар, дәрігерлік кеңестер және психологиялық қолдау қызметтері қарастырылған. Атап айтқанда, орталықта уролог, сексолог және психолог мамандар қабылдау жүргізеді.
БАҚ мәліметінше, кейбір медициналық процедуралардың құны ондаған мың рубль көлемінде бағалануы мүмкін.
Айта кетейік, бұған дейін Нұрлан Сабыровқа Ресейге кіруге қатысты шектеу қойылғаны хабарланған еді. Сарапшылар бұл шешім қайта қаралуы мүмкін екенін жоққа шығармайды, алайда оның толық күшін жою екіталай екенін айтады.