22 қазан, 2025
Желіде тараған бейнежазба мен фотосуреттерде Назарбаевтың оқушылармен және ұстаздармен естелік суретке түсіп, жылы жүзбен әңгімелесіп тұрған сәттері бейнеленген. Кадрлардан оның көңіл күйінің жақсы екені байқалады.
Аталған мұражай — елорданың тарихи орталығында орналасқан, бұрын президенттің резиденциясы болған ғимарат. Қазір мұнда Нұрсұлтан Назарбаевтың қызметтік және жеке заттары, әлемдік көшбасшылар мен шетелдік делегациялар сыйға тартқан естелік бұйымдар, сондай-ақ ел тәуелсіздігінің қалыптасу кезеңін сипаттайтын мұрағаттық материалдар қойылған.
Айта кетейік, Назарбаев соңғы уақытта жұрт алдына сирек шығатын болған. Бұған дейін ол Астанадағы мешітке барып, жамағатпен кездескен еді. Ал одан бұрын Ресей президенті Владимир Путинмен кездесу өткізген.
Кей сарапшылардың пікірінше, оның қоғамдық шараларға қатысуы елдің саяси сахнасындағы тыныштық кезеңінде бұрынғы президенттің символдық рөлін сақтап қалу мақсатымен байланысты болуы мүмкін.
