8 желтоқсан, 2018
Нұрсұлтан Назарбаев әуе кемелерін басып алуға қарсы күрес туралы заңдарға қол қойды, - деп хабарлайды Tengrinews.kz тілшісі Ақордаға сілтеме жасап.
"Мемлекет басшысы "Әуе кемелерінің бортында жасалатын қылмыстар және кейбір басқа да актілер туралы конвенцияны және Әуе кемелерінің бортында жасалатын қылмыстар және кейбір басқа да актілер туралы конвенцияны өзгертетін хаттаманы ратификациялау туралы" Қазақстан Республикасының Заңына қол қойды", - делінген Ақорда сайтында.
Сонымен қатар, Мемлекет басшысы "Әуе кемелерін заңсыз басып алуға қарсы күрес туралы конвенцияны және Әуе кемелерін заңсыз басып алуға қарсы күрес туралы конвенцияны толықтыратын хаттаманы ратификациялау туралы" Қазақстан Республикасының Заңына қол қойды.
