АСТАНА, 16 қаңтар – Sputnik. АҚШ-та кішкентай екі қыз бен ұл бала далада ойнап жүріп, ажыратылған мұздатқышқа кірген. Олар қайта шыға алмай, ішінде өлді.
Солтүстік Флорида шерифінің айтуынша, 4 жасар қыздың анасы балаларға бас-көз болып отырған, алайда әжетханаға бару үшін үйге кіріп кеткен. Осы сәтте алты жасар ұл бала бір жасар қарындасы мен төрт жастағы дос қызын ертіп мұздатқышқа кірген, деп жазды CNN.
Әйел аулаға қайтып келгенде балаларды таппай қалады. Ол ағалы-қарындасты балалардың әжесін оятып, екеуі бірге іздей бастайды. Балалар мұздатқыштың ішінен табылды. Әйел 911-ге қоңырау шалардан бұрын балалардың денесіне жан бітіруге тырысқан.
Оралда 5 жасар бала мен оны құтқармақ болған ер адам тұншығып өлді
Шериф Сэм Сент-Джон шенеуніктер сойып-тексеру тәтижесін күтіп отырғанын мәлімдеді. Істі мемлекеттік прокуратура қарайды. Флорида Балалар мен отбасы істері департаменті де осы іспен айналыспақ.