7 наурыз, 2019
«Астана» жаңа маусымды «Қайратқа» қарсы кездесумен бастап, 2:0 есебімен сенімді жеңіске жетті. Осылайша, елорда командасы Қазақстан Республикасы Суперкубогын төртінші рет жеңіп алды.
Осы ойында Қазақстан ұлттық құрамасының және «Астана» футбол клубының шабуылшысы Роман Муртазаев еншісіне бір нәтижелі пас жазды.
Осылайша, Роман елорда командасы жейдесіндегі нәтижелі пастар санын 17-ге жеткізді. Муртазаев осы көрсеткіштер бойынша Абзал Бейсебековты қуып жетіп, клуб тарихындағы ассистенттер тізімінде өзара 8-ші орынды бөлісіп тұр.
Ал клуб тарихындағы ең үздік нәтиже Фокси Кетевоамаға тиесілі. Оның еншісінде 51 нәтижелі пас бар. Екінші орында Дмитрий Шомко (26 ассист).
Ал үздік ондықта қазіргі құрамнан Серікжан Мужиков (26) пен Марин Томасов (24) бар.
Дереккөз: prosports.kz/kz
