Мұнай бағасының қайтадан төмендеуі тіркелді - Қазақстан жаңалықтары

Алдыңғы сауда күні 2 сәуірде күрт секіруден кейін мұнай төрт-алты пайызға арзандады, деп хабарлайды Stan.kz ақпарат агенттігі Profinance.ru мәліметтеріне сілтеме жасап.

Нұр-Сұлтан уақыты бойынша сағат 11:50-де Brent маркалы солтүстік теңіз қоспасының маусымдық фьючерстерінің бағасы барреліне 28,53 долларға дейін төмендеді. WTI маркалы мұнайға мамырдағы фьючерстер алты пайызға дерлік төмендеді - барреліне 23,87 долларды құрады.

Естеріңізге сала кетейік, 2 сәуірде мұнай бағасы алдыңғы күндердегі құлағаннан кейін бірден бірнеше ондаған пайызға өсті.

Мәселен, қарсаңында Brent маркалы мұнай бірден 40 пайызға, ал WTI 25 пайызға қымбаттады.

РИА Новости хабарлағандай, бағаның жаңа құлдырауы Ресей мен Сауд Арабиясы арасындағы нарықтық ахуалға қатысты келісім жасалуының болмайтынына қатысты нарықтың скептицизмін көрсетеді.

Сонымен қатар, АҚШ президенті Дональд Трамп Ресей мен Сауд Арабиясының басшылығымен сөйлескен кезде ол мұнай өндірісінің ықтимал төмендеуі туралы талқыламағанын атап өтті.