6 шілде, 2019
Қысқа сілтеме алу
Заңсыз митингті ұйымдастырушылар полиция бөлімшелеріне жеткізілді
НҰР-СҰЛТАН, 6 шілде – Sputnik. Ішкі істер министрлігі бүгін Нұр-Сұлтан мен Алматы қалаларында заңсыз митинг ұйымдастыру әрекеті тіркелгенін хабарлады.
© Sputnik / Абзал Калиев.
Мереке күні өткен заңсыз митинг
"Әкімдік пен прокуратураның бірнеше рет ескерткеніне қарамастан, бірқатар азамат тыйым салынған экстремистік ұйымның араңдатушылығына ерді. Кейбіреулер құқық қорғау қызметкерлеріне қатысты заңға қайшы әрекет жасап, басқа азаматтардың тыныштығы мен қауіпсіздігіне қатер төндірді", - деп хабарлады министрліктің баспасөз қызметі.
© Sputnik / Абзал Калиев.
Ұйымдастырушылар мен белсенді қатысушылар полиция бөлімшелеріне жеткізілді
Осыған байланысты, ішкі істер органдары қоғамдық тәртіпті сақтау үшін заң аясында тиісті шаралар қабылдаған.
© Sputnik / Абзал Калиев.
Қоғамдық тәртіпті бұзғандарды ұстау кезінде арнайы құралдар қолданылмаған
"Ұйымдастырушылар мен белсенді қатысушылар полиция бөлімшелеріне жеткізілді. Кейбіреуінен түтіндету құтысы мен травматикалық қару тәркіленді", - делінген хабарламада.
© Sputnik / Абзал Калиев.
Заңсыз митингке шыққандар
Министрліктің ақпаратынша, тәртіп бұзғандарды ұстау кезінде арнайы құралдар қолданылған жоқ.
sputniknews.kz
